យុទ្ធសាស្ត្រចំនួន ៤ ពី Amazon.com ដែលអ្នកធ្វើអាជីវកម្មអនឡាញគួររៀនតាម
Amazon.com គឺជាក្រុមហ៊ុនលក់ទំនិញអនឡាយមួយដ៏ធំនៅលើពិភពលោក ដោយដំបូងឡើយក្រុមហ៊ុននេះលក់តែសៀវភៅប៉ុណ្ណោះ ប៉ុន្តែបច្ចុប្បន្នវិញ ក្រុមហ៊ុននេះ ជាក្រុមហ៊ុននាំមុខលក់ទំនិញសព្វគ្រប់បែបយ៉ាងលើបណ្តាញអ៊ីនធឺណិត។ ខាងក្រោមជាគន្លឹះខ្លះរបស់ក្រុមហ៊ុន Amazon.com ដែលធ្លាប់ប្រើនឹងទទួលបានជោគជ័យរួចហើយដែរ។
១) ធ្វើឲ្យសារជូនដំណឹង ឬ ការផ្សាយពាណិជ្ជកម្មរបស់អ្នកមានលក្ខណៈសាមញ្ញ
ស្ទើរតែគ្រប់សហគ្រិន ឬ ម្ចាស់អាជីវកម្ម ដឹងច្បាស់ថា ការផ្សាយឃោសនាពាណិជ្ជកម្មមួយដែលមានលក្ខណៈស្មុគស្មាញ គឺជាសញ្ញាមួយដ៏អាក្រក់ ដែលពិបាកធ្វើឲ្យអាជីវកម្មមួយដើរទៅមុខ ព្រោះ អតិថិជន អាចនឹងមិនទទួលបានអ្វីសោះពីការផ្សាយរបស់អ្នក ឬ មិនយល់ថាអាជីវកម្មជាអាជីវកម្មអ្វី។ ដូច្នេះអ្នកដែលធ្វើអាជីវកម្មអនឡាញ គួរតែចេះធ្វើឲ្យខ្លឹមសារដែលអ្នកចង់ចែកជូនដល់អតិថិជនខ្លួនមានភាពសាមញ្ញ ខ្លី និង ចំគោលដៅ ដែលអតិថិជនចង់បាន ដែលនេះជាអ្វីដែល Amazon ធ្លាប់ធ្វើនឹងទទួលជោគជ័យរួចមកហើយ។
២) រៀបចំកម្មវិធីបញ្ចុះតម្លៃ
ការរៀបចំកម្មវិធីបញ្ចុះតម្លៃពិសេស នឹងធ្វើឲ្យអាជីវកម្មអ្នកមានភាពខុសប្លែកខ្លាំងពីអាជីវកម្មដទៃ។ ក្រុមហ៊ុន Amazon តែងរៀបចំកម្មវិធីបែបនេះជារៀងរាល់ឆ្នាំ ដើម្បីទាញការចាប់អារម្មណ៍ពីអតិថិជន ឲ្យចូលមកកម្មវិធីរបស់ខ្លួនកាន់តែច្រើន ហើយវាក៏ជាឱកាសមួយដើម្បី ផ្សាយពីផលិតផលចាស់ៗរបស់អ្នកឡើងវិញដែរ។ អ្នកនឹងកាន់តែទទួលជោគជ័យ ប្រសិនបើអ្នកអាចរៀបចំកម្មវិធីនេះដោយខ្លួនឯង។
៣) ប្រើយុទ្ធសាស្ត្រដែលធ្លាប់ឈ្នះរបស់ខ្លួន
នៅពេលដែលសេវាកម្មផ្នែកណាមួយ របស់អាជីវកម្មអ្នកដើរបានល្អ ឬ ទទួលបានការចាប់អារម្មណ៍ខ្លាំងពីអតិថិជន អ្នកគួរតែឆ្លៀតឱកាស ដាក់បញ្ចូលសេវាកម្មផ្សេងមួយទៀតចូលទៅលើសេវាកម្មដែលមានការគាំទ្រច្រើន។
៤) ត្រូវចេះប្រើពាក្យគន្លឹះដើម្បីឲ្យអតិថិជនងាយស្រួលរក
អ្នកមិនអាចដឹងអស់បានឡើយថានរណាខ្លះតាមដាន ពីព័ត៌មានអាជីវកម្មរបស់អ្នក ដូច្នេះទាំងនៅលើការផ្សាយពាណិជ្ជកម្មក្នុងបណ្តាញសង្គម អ្នកត្រូវចេះប្រើគន្លឹះនៃការប្រើពាក្យ ដូចជាការប្រើសញ្ញា Hashtag (#) នៅពីមុខតួអក្សររបស់អ្នក ព្រោះវាអាចជួយឲ្យអតិថិជនងាយស្រួលរកពេលពួកគេប្រើពាក្យប្រហាក់ប្រហែល។
Wednesday, March 16, 2016
យុទ្ធសាស្ត្រចំនួន ៤ ពី Amazon.com ដែលអ្នកធ្វើអាជីវកម្មអនឡាញគួររៀនតាម
7:35 PM
Unknown
.jpg)
0 comments:
Post a Comment